【✨遊泰行程推薦！】跟泰國專業廚師學泰菜🍽，仲可以行孔堤市場教您揀食材😋

去泰國除咗按摩、行夜市、掃化妝品仲有咩做？識玩嘅您又點可以錯過最人氣嘅新玩法：學煮泰菜呢？！泰國菜款式甚多，最大嘅賣點係佢哋嘅調味相當出色，平時想喺屋企露返兩手，奈何調味試極都唔夠正宗？不妨去泰國學下點樣整最正宗嘅泰國菜啦！

超人氣煮食課程：SABIENG 泰式烹飪學校

SABIENG泰式烹飪學校係相當受泰國當地人及遊客歡迎嘅煮食課程，如果係香港人去的話都唔使擔心，會安排由多年經驗專業廚師配以廣東話授課，包保您學到精粹！

而2023年全新泰國菜烹飪體驗課程非常豐富，首先會由導師帶領大家前往曼谷最大嘅傳統新鮮市場：孔堤市場選購各種新鮮食材，由揀食材開始一步一步教您。之後就齊齊搭曼谷特色「嘟嘟三輪車」返學校烹飪。

喺課堂上，有多年經驗嘅專業廚師會用廣東話授課，以簡單嘅教學模式畀您輕鬆掌握泰菜嘅烹飪技巧，學員可以親身學習4道傳統泰國料理，包括冬蔭功湯，泰式炒河，青咖哩雞及芒果糯米飯，就算返到香港，依然可以重現返泰國嘅菜式！