踏入8月尾，又差不多係時候計劃定去日本睇紅葉喇！日本嘅紅葉可以用絕景兩個字去形容，而且唔同地區嘅紅葉都有自己嘅特色，今次LTrip 就同大家介紹一下日本京都嘅3大賞紅葉好去處：嵐山渡月橋、竹林公園同埋彥根城啦！

【日本紅葉京都篇】1. 嵐山渡月橋

京都有唔少賞楓名所，其中一個必去嘅景點係嵐山渡月橋。嵐山渡月橋鄰近嵐山及桂川河畔，喺欣賞楓葉嘅期間仲可以搭乘「嵯峨野遊覽小火車」前往渡月橋上游嘅「保津川」，喺紅色嘅小火車度欣賞被包圍嘅楓葉美景。渡月橋作為嵐山嘅地標，橋上漫步嘅時候，欣賞經楓葉點綴嘅嵐山，以及潺潺流過嘅桂川，好不寫意。

【日本紅葉京都篇】2. 竹林公園

另一個非常受歡迎嘅賞楓景點係竹林公園，位於京都市落西竹林係一個甚具人氣嘅竹林勝地，廣闊嘅公園入面有各種類型嘅竹，大約有成110種，每到秋天，翠綠嘅竹林夾雜著唔同色彩嘅楓葉，係不一樣嘅風景。

【日本紅葉京都篇】3. 彥根城

作為日本5大國寶城之一嘅彥根城，係人氣居高不下嘅觀光景點。彥根城己經有4百幾年嘅歷史，係春天賞櫻、秋天賞楓嘅好日子，每到紅葉季，玄宮園便會推出夜間點燈時段，或黃或紅嘅樹木及池上橋樑倒映喺水中，金光閃閃非常迷人。大家亦可以選擇「彥根城護城河巡遊」，用50分鐘嘅時間喺船上體驗夾道嘅楓葉，別有一番風味。

LTrip 日本京都戀楓5天團

去日本睇紅葉想輕鬆啲唔使花咁多時間搵資料的話，跟團就當然係首選啦！一個團帶你去睇晒所有人氣、必打卡嘅紅葉景點，仲要包晒交通唔使煩添，係時候準備定10月嘅賞楓之旅喇！

旅行團編號︰AJTRED-05

暫定出發日期︰11月17日（五）、11月19日（日）、11月21日（二）

行程一覽及報名連結： https://bit.ly/3QG4JrK