小朋友最鍾意就係親親大自然，同可愛嘅小動物互動，難得出去旅行，自然要搵啲可以畀小朋友瘋狂放電嘅景點啦！今次同大家介紹一下台北人氣景點：飛牛牧場啦！

飛牛牧場園區介紹

台北飛牛牧場位於苗栗縣通霄鎮，成個園區有成120公頃，綜合型休閒農場亦有成50公頃，超級大可以慢慢行！呢個牧場係融合日本同美國牧場設計嘅休閒農場，入面係一大片一望無際嘅大草原，真係非常治癒！

飛牛牧場：超多可愛小動物！

飛牛牧場入面有非常多嘅小動物，除咗牛之外，仲有「兔寶寶的家」、「黑山羊生態區」、「綿羊生態區」同埋「水域生態區」，大人小朋友都可以同各種動物近距離咁接觸，餵乳牛、貝多綿羊、紐西蘭白兔、台灣黑山羊，真係可愛到成個人都融化晒！

園內仲有個蝴蝶生態區，約有10多種、150至200隻蝴蝶，可以了解蝴蝶從卵、幼蟲、蛹到成蟲嘅完整生活，令小朋友眼界大開！

飛牛牧場：DIY 體驗區

除咗可以親近小動物外，飛牛牧場內仲有各種 DIY 體驗活動，好似係超新奇嘅擠牛奶體驗，喺指導員嘅幫助下親手擠牛奶，真係好好玩！擠完之後，仲可以品嚐一下牧場嘅新鮮牛奶添！

園區內仲有各種手作體驗，好似係彩繪肥牛、冰淇淋搖搖樂，同埋雞蛋糕DIY等等，當中雞蛋糕 DIY 可以畀小朋友體驗一下下廚樂，由打發蛋白到攪拌、倒入模具，再放入焗爐，都要由大人小朋友一手一腳製作，然後再品嚐親手製作、軟綿綿嘅雞蛋糕喇！

LTrip <聖誕節 台北5天親子遊樂+動物體驗 純玩團> 

LTrip 嘅台北5天親子玩樂體驗純玩團，帶您去飛牛牧場親親大自然！大人小朋友可以齊齊餵飼可愛小羊、品嚐牧場新鮮牛奶，同埋 DIY 雞蛋糕，有不一樣嘅獨特體驗。

旅行團編號︰AXTPE-05

出發日期︰12月24日（日）

行程一覽及報名連結：https://bit.ly/46uc0Qg