高達迷注意，原定會喺2023年完結嘅Gundam Factory Yokohama會延長展期一年，如果你哋仲未去的話，就要把握最後嘅機會去朝聖喇！喺出發之前，等LTrip同大家介紹一下橫濱高達有咩好玩、打卡攻略同埋購票詳情啦！
大家都未必知道，Gundam Factory Yokohama其實係一個期間限定嘅特別展覽場地，原本2023年3月31日就會完，後來因為疫情嘅關係，好多外地遊客想去都去唔到，所以主辦方決定將展期延長至2024年3月31日，想去嘅話就唔好錯過最後嘅機會喇！
橫濱嘅高達係1：1嘅RX-78f00型號，真係超級巨型，離遠睇都會非常震撼！橫濱嘅高達同時亦都係第一次加入全身可以郁動嘅關節，可以抬起腳摸擬起身，甚至可以蹲下。高達每25分鐘就會移動一次，大家出發前不妨留意一下時間喇！
好多人都覺得打卡就一定要日頭去，但橫濱高達日夜都會有唔同嘅視覺效果，日頭自然可以睇到佢嘅巨大宏偉，但入黑後會有夜間亮燈，更加有feel！如果大家想睇晒兩個效果，最好喺日落前嘅日間去到，計劃行程時一定要check埋日落時間！
睇完高達自然唔少得掃貨環節啦！Gundam Factory Yokohama入場即會送一隻1：200嘅RX-78f00，場內仲有兩個賣紀念品嘅地方，分別係Gundam Base Yokohama Satellite、主題餐廳同埋地下嘅流動餐車，想Shopping就一定要儲定彈藥喇！
除咗喺地面欣賞高達外，大家亦可以選擇畀¥3,300買張門票，去5樓及6樓近距離同高達Say Hi。
門票嘅價格可以分為成人¥1,650及小童¥1,100，想上埋Gundam Dock Tower的話，就要統一另外再畀¥3,300，出發前經官方網站註冊Bandai Namco帳戶，就可以買飛喇，亦可以於LTrip等線上購票平台買定門票。
